X
تبلیغات
عاشقانه...... احساسی.. رمانتیک - شعر اذری

عاشقانه...... احساسی.. رمانتیک

بزرگترین وبلاگ احساسی رمانتیک

شعر اذری

بیزه یار اولسون

هانی بیر یار وفا دار کی بیزه یار اولسون

دیلی مجروح یمیزه دیل وئریب زار اولسون

وئرمه نادانه کونول سیرینی آگاه ائتمه

دئمه عشق اهلی گئرک دهرده بی عار اولسون

آرزوم دو وطنیمده یاشییان هر بیر کس

قزله موسیقییه شعره هوس کار اولسون

الینه، عاقلینا هرنه گلیر اونو ایفا ائلییر

موسیقی ضای ائله سک بیزلر اوچون آر اولسون

ای جونلار سیزی تانری سیزه جانیم قوربان

قویمایین سیز بو موغاماتیمیزی خار اولسون

قزلر سادلشیب آزدی فضولی ائشیدن

منجه عشق اهلی گئرک اصلی خریدار اولسون

حاجی آز سوئیله دئرر لر بیزی تبلیغ ائلییر

چاره یوخ گئلسه علسگر یادا جبار اولسون


آچ گوزون اولکه ده سئل تک آخان آلقانلارا باخ
وطن    اوغروندا  جانیندان کئچن آصلانلارا باخ


یوردوموزدا   نئجه   غیرتلی  جاوانلار   واریمیش
داغلارین کوکسونی ده لمیش ده لی وولکانلارا باخ


بئله کووره آنالاردان پولاد اوغلان  توره نه ر
اجنبی لر سوموگون ده ن کیمی دارتانلارا باخ


گئجه نین باغرینی شیمشک سیاقی   پارچالاییب
صوبح ، پئشوازینا چیخمیش آییق اینسانلاراباخ
 
گئت  مینای   وطنی   سیر ائله  اول ائل حاجیسی
اول میناده   کسیلن   قوچ کیمی   قوربانلارا باخ
 
وار یو خوندان ال اوزه ن یار اتگینده ن یاپیشان
بیر قاریج توپراقا مین جان قویان اوغلانلارا باخ
 
چپ باخان گوزلری بو یوردا کوکونده ن
دووله ری   دوره لییه ن   روستم  دستانلارا باخ


او چیین لر له کی اولدوزلارین اولموش یاتاغی
او چیین لرده   گئده ن   توپراقا   قافلانلارا باخ


پوزماق اولماز می!!؟ طبیعتده   اولان قایدالاری
هنگی لرله سینه گیر میش اولو سروانلارا باخ
 
باخما چوخ قار کوله یین هیبتینه قوخما گیلان
مدنیت   اوجا قیندا   کوزه ره ن   جانلارا باخ


وطنین   توپراقینی   کرب و بلایه  چئویره ن
علی   اکبر  کیمی   گل   فا تح  میدانلارا باخ


ایسته ییر سن داداسان گویلره اوچماق مزه
آنلینی   توپراقا  قوی  یئرده کی سولطانلارا باخ

 قووشوب توپراقا گوج وئردیله ر ائل توپراقینا
قانلاریندان توره نه ن اودلی گولوستانلارا باخ

 نه زاماندا بو قه ده ر   شیر   دلاور واریمیش

گئت گیلن تاریخی بیر سیر ائله دورانلارا باخ

آغ آتیم ، قول قاناتیم ،
آت قدمین یورتمه یئری !
آش تپه لردن
سیلدیریم تک سره لردن
سئله سینمیش دره لردن
بو نه طوفاندی گؤزل کهلیگیمی ایستیر آییرسین فره لردن
غیرتیم جوشه گلیر غملی خبردن
آغ آتیم – قورخما خطردن !
آغ آتیم قول ، قاناتیم ،
شیهه چک ، قوی سسیوه
بلکه یاتانلاردا اؤیانسین
یاتماغین واختی دگیل دروسون اوتانسین
یاتانین عؤمرو تالانسین
تازا نعلین وار آتیم
چال بو داغین سینه سینه ، قوی پارالانسین
چال داغین سینه سی باتسین ، یارالانسین
داشی داشدان ، آرالانسین
آغ آتیم قول قاناتیم
داش قایادان آشما چتیندی
قاباق اؤز یوققوشادی ، قاشما چتیندی
داغا دیرماشما چتیندی
داشا ، سووخاشما  چتیندی
باخما یوللاری چتیندی ، اورانین هیبتی یوخدور
آغ آتیم همت ائله !
غیرتی یوخدور
هله اؤز یوققوشالار چوخدو قاباقدا
آشماق اولماز بو آیاقدا
آغ آتیم قول قاناتیم
بسدس ایاق ساخلاما ، گون باتدی قارالدی
گون گئچیب داغ دالینا رنگی سارالدی
داغین اوستون دومان آلدی
آغ آتیم ، بس بو نه حالدی؟
بورا یارقاندی  آتیم دورما آماندی ….
آغ آتیم ، قول قاناتیم
آت قدم آیدینلیغا ساری
هؤرکوشن  اوولاریلان  ؛ چیخ سره یاللاری یوخاری
قار قالان داغلارا سال بیر نفسین
قوی اریسین بوز کیمی چئگینینده کی قاری
سولاری آرخلارا سال بلکه سووارسین
قوری قالمیش مومالاری
قوی بؤیوک گولده اؤزوشسونله یاشیل باش سونالاری
آغ آتیم
جهد ائله باری
سنی تاری !
آغ آتیم ، قول قاناتیم
طبعیمین دریاسی جوشقوندو
یئل اسدیر لپه لنسین
قوی چالیم صخره لره دالغامی  ، دالغام سپه لنسین
قوی یاغیش تک قورویان
داغلارین اؤستونده اله نسین
هرزه اوتلاری آپارسین
لالا بیتسین
هامی گؤللر تزه لنسین
گؤلو بلبل یییه لنسین
آغ آتیم ، قول قاناتیم
آت قدمین قلعه ی بابکدن آشاق
قارا گؤنلن ساواشاق
آت گؤلوندن سس آتیب ، بابکین حالین سوروشاق
یئنه طوفاندا جوشاق
دریالار تک قوووشاق
آغ آتیم ، قول قاناتیم
شیهه چک قوی سسیوه
هاجرینی ترکینه چکسین نبی گلسین
قوی کور اوغلو آتینی داغلارا سالسین
ائشیدیب شیهه نی گلسین
الده کسگین قیلیجیلا
بویاسین قانه کئچل حمزه نی گلسین
قوی کرم سازینی سالسین دؤشونه ، چؤللره دؤشسون
های سسی ائللره دؤشسون
دئگیلن غملی کرم ایستر اگر ، اصلینی گلسین
دشمنین بلکه کسک نسلینی ، گلسین
قوی بو داغلاردا بؤیوک هلهله دؤشسون
داغلارا ولوله دؤشسون !
آغ آتیم ، قول قاناتیم
منه بیر قالغی بابامدان ، بو ورندیلدی ، بونو چئگنیمه ساللام
قاراداغ باشینی آللام
اورا بیر ولوله ساللام
آغ آتیم دورما ، یوبانسان ، دالی قاللام
آغ آتیم ، قول قاناتیم
بیز اگر قلعه ی سیمرغدان آشساق بیزه آزدی
باخما یوللار ناتارازدی
باخما بو قارلی دماوند ، بو قفقاز بو هرازدی
باخما داغدا هاوا دوتقوندو – آیازدی
باخما بو قیشدی بو یازدی
آغ آتیم آت قدمین دریا ، دایازدی
دریانی گئچسن اگر شهرِ نیازدی
اوردا هر قان کی تؤکولدو یئره ، آزادلیقی یازدی
بشر آزادلیغا بازدی !
آغ آتیم ، قول قاناتیم
اوردا دؤلبرچین اوتو دؤرت پَر آچیبدی
اوردا دیللنمگه دیل تازه شیرین دیللر آچیبدی
اوردا باغلاردا بوتون گؤل لر آچیبدی
آغ آتیم
آت قدم
آیدینلیغا ساری !

 

قیش قارین وئردی سئلره  شاختانی وئردی یئللره

موشتولوق وئردی یئرلره  بایرام گلیبدی ائلره

 

                       ایل بایرامیز موبارک

 

دومان چکیلدی داغلاره  بولبوللر گلدی گوللره

گول اوزونو آچیب – توتوب  قاش – گوز آتیر بولبوللره

بو سوز دوشوبدو دیللره : بایرام گلیبدی ائللره

               

                     ایل بایرامیز موبارک

 

دورنا قاطار – قاطار گئچیر ، یاخشی چمنلری سئچیر

چمنده بیر قیز اَیله شیب ، گولو –بنووشه نی بیچیر

شادلیق دولوب کونوللره ، بایرام گلیبدی ائللره

 

                    ایل بایرامیز موبارک

 

                          یئنی ائلیز موبارک اولسون


ای خسته قوش اواره گزیرسن بو دیاری

زنداندی قفسدی چمنی،باغی،باهاری

گوزله اوزووی اوچی دی هریانی بو یوردون

قوزغون کیمی دورت گوزلو گزیر کورپه شکاری

فرصت دالی سینجا گزیر ال یئری تاپسا

ویران قویاجاقیوردونی ای کوینکی ساری

تیک اوز یووانی قویما سنه ال تاپا اوچی

سن بو یووانئن صاحیبی سن،قان یئنه باری

جهد ائیله کی،جان قورتاراسان اوچی الیندن

دوشسن تورا،فریاد ائلمه،چک بو فشاری

گولشنده کی یوخ ذوق وصفا ای ساری کوینک

قاچ قاچ بو یئرین زهرلی دیر دارو نداری

دیللنسن اگر،اوچی ائده ر قانئنا غلتان

اوچسان آ یازئق!تیر جفا قلبینی یاری

مین فئرتانا قالخئب،دوگه جک،باشئنا طوفان

هر کیمده اولا،داغ کیمی دونیادا ووقاری

گلسه نه قده ر دردو بلا ،داغ کیمی دور باخ

ایدین دی بو سوز"توستو گئده ر گوچکه ساری"

ایستر سنی صیاد اوزونه رام ائده امما

اویغودا گوره ر،اج تویوق البتده کی داری

بو یاخشی مثل دیر کی بیزیم ائلده دئمیشلر:

بیر باخ اشاغا ،باخما اوزونده ن ده یوخاری

غم غصه کیچیک قلبینی گر دوگسه سئخئلما

بو گونده کئچر،اخیری،غملرده قوتاری

اوندا کی چئخارگون،یاییلار عالمه بیرده ن

اوندا کی قارادان یئری ،صبح اولجاق اغاری

داغی-داشی اسوده خیالیله گزه رسن

گولشنده نه شاختا گوره سن،داغدا نه قاری

ظولمون ائوی ویران اولو ،ظالیم دوشه ر الدن

قان دورماز اگر کسسه پئچاق قئرسا داماری

بختین قاپوسی ایندی قئفئلانسا دارئخما!

هر بیر قئفئلئن واردی طبیعتده اچاری

اوز جانوویلن اویناما بو عرصه ده "شیدا"

لیلاج دغلبازیله قئزدئر ما قوماری
 

 

شانلي گوليم، باغــري قـيزيل قان قالا بيلمز    

  ديوانه اولـــوب، يوسف جاندان سالا بيلمز

يانمش چـراغيم، ياخـشي ازلدن، نه باكيم وار  

                                         مجـنون دگيــلم، ليــليه، قــلبيم يانا بيلمز

هر ياندي چـمن، گُـلر آچـوب، قرمزي دامن  

                                         صبحين قوشيام، عشقيمي بـيركس دانا بيلمز

عشقيمدي حقيقت ســـوناسي، شأنيمه خاطر   

   دنياني آتـوب شأنـيمي هــركس قانا بيلمز

شمع اولدي وجوديم، يانوب عشقين شررينده

                                         بوعشقيمي دنياني گــورن، كور سونا بيلمز

دنيا بالاسي، دنيـادا قـال، ياخـشي ياشــايش    

                                         جوشقون‌سوزيمي هركس و ناكس آلا بيلمز

ايلنميش آغــاشـلار دگـيلم هر يله سينسين             

   محكمدي اورك شـير بدخشان سالا بيلمز

داشقندي پــيام سوزلرين امـا چوخي كاردي    

                                          قلبيم سوزيني عــاشق رضوان قانا بيلمز

+ نوشته شده در چهارشنبه یکم مهر 1388ساعت 16:54 توسط لیلا |